Fréttir

Stöðvarfjörður hefur nú bæst í hóp staða á landinu þar sem hraðhleðslu fyrir rafbílaeigendur er að finna. Þá eru hlöður okkar orðnar 26 talsins. Axel Rúnar Eyþórsson, starfsmaður Orku náttúrunnar og Stefán Sigurðsson, rafbílaeigandi opnuðu hlöðuna.

Þáttaskil urðu hjá japanska bílaframleiðandanum Nissan þegar fyrirtækið seldi á dögunum sinn þrjú hundraðasta Leaf rafmagnsbílinn. Leaf kom fyrst á markað í lok árs 2010 og hefur notið vinsælda víða um heim.

Borgarráð Reykjavíkur hefur heimilað umhverfis- og skipulagssviði að bjóða út malbikunarframkvæmdir fyrir árið 2018. Alls verða lagðir 43 kílómetrar af malbiki næsta sumar og er kostnaður áætlaður tæpir tveir milljarðar króna. Aldrei hafi verið malbikað jafn mikið í borginni á einu ári.

Á fjölmennum íbúafundi á Akranesi í gærkvöldi var þess krafist að ráðist yrði strax í bráðabirgðaviðgerðir á Vesturlandsvegi um Kjalarnes og vegurinn verði tvöfaldaður sem fyrst. Einn frummælanda á fundinum segir veginn hættulegan og að þolinmæði íbúanna sé á þrotum. Það var Akraneskaupstaður sem stóð fyrir íbúafundinum.

Framkvæmdir við Dýrafjarðargöng ganga vel en í viku 3 voru grafnir 79,0 metrar í göngunum sem er nýtt met í greftri á einni viku. Þetta kemur fram á vestfirska vefmiðlinum bb.is. Heildarlengd ganganna í lok viku 3 var 981 metrar sem er 18,5% af heildarlengd ganganna. Jarðlög í stafni samanstóðu af lögum af karga, basalti og kargabasalti.

Svo gæti farið að PSA Peugeot Citroen hefji á nýjan leik sölu bifreiða úr samsteypu sinni. Ef marka má orð Jean Philippe, forstjóra Peugeot, í frönsku fjölmiðlum á dögunum er þetta markmið fyrirtækisins en óvíst er með öllu hvenær af þessu verður.

Verktími við breikkun Vesturlandsvegar fer eftir því hversu verkinu verður skipt upp í marga áfanga. Á heimasíðu Vegarðarinnar kemur að í svari til Morgunblaðsins, sbr. frétt blaðsins í gær 23. janúar, var nefnt að líklega yrði verkinu skipt upp í þrennt og þá gæti framkvæmdin í heild tekið 5-7 ár miðað við u.þ.b. tveggja ára verktíma á hvern hluta. Jafn líklegt er að verkinu verði skipt í tvennt og þá yrði verktíminn 3-4 ár í stað 5-7 ára.

Vesturlandsvegur um Kjalarnes hefur verið mikið í umræðunni að undanförnu í kjölfar banaslyss og alvarlegra slysa. Mikill þrýstingur hefur verið lagður á stjórnvöld að grípa til aðgerða á Vesturlandsveginum.

Öryggi Subaru XV og Impreza á Evrópumarkaði fóru nýlega gegnum ítarlegar prófanir hjá umferðaröryggisstofnuninni Euro NCAP og komu þeir best út í sínum flokki í samanburði við aðrar bíltegundir sem einnig voru prófaðar í sama flokki.

Bæjarstjórn Hafnarfjarðar lýsir yfir vonbrigðum með að ekki sé tryggt fjármagn árið 2018 við áframhaldandi framkvæmdir við Reykjanesbraut innan Hafnarfjarðar og skorar á þingmenn að sjá til þess að framkvæmdum verði forgangsraðað í samræmi við öryggissjónarmið. Þetta kemur fram á vísi.is og í fréttatilkynningu frá bæjarstjórn Hafnarfjarðar.