Fréttir

Sala á rafmagnsbílum, tengitvinnbíla og Hybrid bílum tók mikinn kipp á fyrstu fjórum mánuðum þessa árs í Evrópu. Ástæðuna má rekja til lengra drægi bílanna en áður.

Búið er að aflétta akstursbanni sem verið hefur vegna hvassviðris á Suður- og Suðausturlandi segir í tilkynningu frá Vegagerðinni. Engu að síður er rétt að ítreka að enn er víða mjög hvasst, s.s. á Reynisfjalli og við Sandfell í Öræfum, og þar ættu t.d. húsbílar alls ekki að vera á ferð.

Elizabet II Englandsdrottning, sem er 91 árs gömul, lætur engan bilbug á sér finna og keyrir ennþá um þó ekki sé um langar leiðir að ræða. Samkvæmt lögum er hún sú eina sem má keyra án ökuréttinda.

Þýsku Porsche verksmiðjurnar birtu í vikunni sölutölur fyrir fyrstu þrjá mánuði ársins og kemur í ljós að verksmiðjurnar hafa aldrei selt fleiri bíla. Oliver Blume, stjórnarformaður Porsche AG, segir þessa niðurstöðu mjög ánægjulega og undirstriki að fyrirtækið er á réttri braut. Fyrirtækið bjóði upp á góða og spennandi bíla sem kaupendur um allan heim sýni mikinn áhuga.

Þjóðvegi nr. 1 verður lokað á milli Kirkjubæjarklausturs og Jökulsárlóns kl. 11:00. Búast má við að þjóðveginum undir Eyjafjöllum verði lokað seinna í dag. Tilkynning um það verður gefin út kl. 12:00. Þetta kemur fram á vef Vegagerðarinnar.

Það hefur ekki farið framhjá ökumönnum að þær framkvæmdir sem hófust á Miklubraut við Klambratún í gærmorgun hafa haft í för með sér miklar umferðartafir. Langar biðraðir hafa myndast á morgnana þegar fólk er á leið til vinnu og eins síðan þegar fólk er á leið heim frá vinnu seinnipartinn.

í 10. bekk við Foldaskóla í Grafarvogi hefur sl. ár staðið til boða valgrein við skólann sem heitir fornám til ökunáms. Í þessu fagi er farið yfir ýmsa þá þætti sem tengjast bílnum. Hjörtur Gunnar Jóhannesson, starfsmaður FÍB aðstoðar, heimsótti Foldaskóla í gær og fræddi nemendurna allt um dekkjaskipti.

Samkvæmt tölum frá Samgöngustofu voru nýskráningar fólks- og sendibíla á innlendum bílamarkaði alls 2.197 í apríl. Það er 119 bílum færri en í mars en ástæðuna má eflaust rekja til páskahelgarinnar og annarra frídaga í apríl mánuði.

Það verða kaflaskipti í sögu Mitsubishi síðar á þessu ári þegar framleiðslu á Lancer bíl fyrirtækisins verður hætt. Saga framleiðslu þessa bíls spannar 44 ára sögu en nú verður kraftur settur í framleiðslu á jepplingum.

Framkvæmdir á Miklubraut við Klambratún hefjast í dag, mánudag, en þá verður akreinum til vesturs fækkað tímabundið frá Lönguhlíð að Rauðarárstíg. Þar sem umferðarþungi inn í miðborgina er mestur á morgnana má gera ráð fyrir töfum á í morgunumferðinni á næstunni. Ökumenn eru hvattir til að gefa sér rýmri tíma en venjulega, sem og að sýna tillitssemi og aðgát við framkvæmdasvæðið.