Fréttir

Sala á nýjum bílum í Evrópu jókst árið 2016 um 6,5 prósent frá 2015. Alls keyptu íbúar Evvrópska efnahagssvæðisins (ES og EFTA) 15 milljón 131 þús.719 bíla í fyrra og af þeim keyptu Íslendingar 18.448 bíla miðað við 14.004 árið 2015, sem er 31,7 prósenta aukning. Nýbílasalan í Evrópu í fyrra er sú mesta undanfarin níu ár. Þetta kemur fram í tölugögnum ACEA sem eru samtök evrópskra bílaframleiðenda

Í kjölfar þess að bandaríska umhverfisstofnunin EPA sakaði Fiat Chrysler um að hafa komið fyrir svindlhugbúnaði í dísilgerðum Jeep Grand Cherokee sem fegrar útblástursgildi bílanna þegar þeir eru mengunarmældir, hafa bresk stjórnvöld ákveðið að taka einn eða fleiri þessara bíla til sérstakrar rannsóknar. Reuters fréttaveitan greinir frá þessu

Hin opinbera bandaríska umhverfisverndarstofnun EPA (Environment Protection Agency) sakar FCA (Fiat Chrysler Automobiles) um að hafa komið fyrir hugbúnaði í dísiljeppum af gerðunum Jeep Grand Cherokee og Ram 1500 sem gerir pústhreinsibúnað bílanna meira og minna óvirkan nema þegar bílarnir eru mengunarmældir. Sergio Marchionne forstjóri FCA hefur harðneitað þessu og segist öskureiður yfir getsökunum.

Frá kl 6 í fyrramálið (7 að ísl. tíma) verður akstur dísilbíla bannaður á götum Oslóborgar að viðlagðri 1.500 kr. sekt (20.200 ísl. kr.). Bannið gildir þar til loftmengunarstigið í borginni minnkar frá því sem það er nú. Hugsanlegt er að banninu verði aflétt strax á miðvikudag, gangi veðurspár eftir sem gera ráð fyrir strekkingsvindi í borginni.

Nýr Bronco jeppi kemur á markað 2020. Þetta var tilkynnt á fyrsta degi bílasýningarinnar í Detroit sem nú er á endasprettinum. Lítið sem ekkert gáfu talsmenn Ford þó upp um hverskonar jeppi þetta yrði í tæknilegu tilliti eða hve stór.

Árum saman hefur Volkswagen viðrað hugmyndir um nýtt ,,rúgbrauð“ með svipmóti þess gamla með gerðarheitið T1 og síðar T2 og -3. Nú er eins og nýtt rúgbrauð sé að fæðast því að á bílasýningunni í Detroit sem nú stendur sem hæst, er til sýnis frumútgáfa bíls sem á líklega að koma á markað 2020.

Venju samkvæmt var tilkynnt við opnun n. amerísku bílasýningarinnar í Detroit í gær, hver væri bíll ársins í Bandaríkjunum og Kanada þetta árið. Það er nýi rafbíllinn Chevrolet Bolt (Opel Ampera-e í Evrópu).

Volkswagen Group hefur mælst stærsti bílaframleiðandi heimsins á nýliðnu ári. Alls seldust í fyrra í heiminum öllum 10,1 milljón bíla frá Volkswagen Group (VW, Audi, Seat, Skoda, Porsche o.fl. teg.). Þrátt fyrir útblásturshneykslið hjá VW grúppunni sem enn er ekki að fullu til lykta leitt hefur VW enn haft betur í baráttunni við Toyota um efsta sætið, þótt vissulega muni ekki miklu.

Tryggð kaupenda við tegundina er draumur bílaframleiðenda og því fleiri sem endurnýja bíla sína með sögum tegund, þeim mun betra, enda er það besta auglýsing sem hugsast getur. Hið gagnstæða fyrir orðspor bifreiðategunda er að neytendur vilji ekki sömu tegund aftur og því verra sem þeir eru fleiri. Nú hefur komið í ljós í könnun hins bandaríska Consumer Reports að eigendur rafbíla og tengiltvinnbíla eru þeir bifreiðaeigendur sem tryggastir eru sínum tegundum og mest er tryggð þeirra sem eiga Renault Zoe

Evrópsk systurfélög FÍB, þeirra á meðal þau norrænu, heiðruðu nýlega sænsku vísindakonuna dr. Christina Lampe-Önnerud fyrir frábæran árangur hennar við að þróa öflugri, sterkari, endingarbetri og jafnframt mun ódýrari rafhlöður fyrir rafbíla, rafknúin farartæki og vinnuvélar en áður hafa þekkst. Uppgötvanir hennar sem eru margar á sviði líþíum-jónarafhlaða eru margar og hafa skilað sér ein af annarri í nýjustu rafbílana sem nú eru orðnir eru langdrægari og með styttri hleðslutíma en áður hefur þekkst.