Fréttir

Margir Þjóðverjar ergja sig mjög þessa dagana yfir nýjum ráðherrabíl umhverfisráðherrans í sambandsríkinu Nordrhein-Westfalen. Þjóðverjar ætlast flestir til þess að ráðherrar bæði í ríkisstjórn alls ríkisins sem og í einstökum sambandsríkjum velji þýska bíla af betra taginu og að þeir séu helst svartir eða dökkbláir og annaðhvort Mercedes Benz E eða S, BMW 500 eða 700 eða þá Audi af stærstu og virðulegustu gerð.

Sjaldgæft er að nýr bíll komi jafn illa út úr árekstursprófi Euro NCAP og Ford Mustang gerði nú nýlega, og fái einungis tvær stjörnur af fimm mögulegum

Sænskatryggingafélagið Länsförsäkringar hefur gefið út árlega skýrslu um bilanatíðni nýlegra bíla sem tryggðir hafa verið gagnvart bilunum og um hverskonar bilanir hafa verið tilkynntar tryggingafélögum. Skýrslan er byggð á fjögur þúsund tjónatilkynningum til tryggingafélagsins árið 2015 um bíla af árgerðum 2007-2013.

FÍB hefur oft í tímans rás vakið athygli hversu þétt net eldsneytisstöðva er á höfuðborgarsvæðinu og hversu óhagkvæmt það hlýtur að vera. Olíufélögin og sömuleiðis borgaryfirvöld og sveitarstjórnir á höfuðborgarsvæðinu gætu auðveldlega stýrt þéttleikanum – olíufélögin eftir hagrænum forsendum og yfirvöld með skipulagsaðgerðum og með t.d. með lóðaúthlutun og með því að endurúthluta lóðum vannýttra stöðva.

Gera má ráð fyrir því að talsverðar breytingar verði á sölu eldsneytis á höfuðborgarsvæðinu á komandi vordögum þegar smásölurisinn Costco hefur starfsemi, væntanlega í aprílmánuði nk. Á svæði verslunarklasa Costco að Kauptúni 2 í Garðabæ verður stærsta eldsneytisafgreiðslustöð landsins en til að öðlast rétt til að kaupa eldsneyti sem og annan varning í Costco, verður að gerast meðlimur og greiða félagsgjald. Costco er þannig kaupfélag svo að segja má að samvinnuhugsjónin sé að nema land á ný á Íslandi.

Verðlag á rafhlöðum fyrir rafmagnsbíla lækkaði hratt á árunum 2010-2015. En langmest var lækkunin 2014-2015; 35 prósent, hvorki meira né minna. Ástæður þessara lækkana eru margar en þær helstu eru breyttar efnasamsetningar í innviðum rafhlaðanna, nýjar framleiðsluaðferðir, sterk krafa um lægra verð og loks aukin samkeppni.

39. Dakar rallinu er nýlega lokið. Þau tímamót urðu að hreinn rafmagnsbíll komst alla leið í þessari einni erfiðustu rallkeppni heimsins. Hann varð í 57. sæti

Banninu við akstri dísilbíla um götur Oslóborgar sem hófst sl. þriðjudagsmorgun, hefur nú verið aflétt. Hið kyrra og kalda loft sem lá yfir borginni um síðustu helgi hefur bæði hlýnað og komist á hreyfingu fyrr en ætlað var. Nú er þar hægur andvari, það hlýnar hratt og er spáð er allt að 8 stiga hita í dag og næstu daga

Opel boðaði á síðasta ári margar nýjungar og nú er ein þeirra komin fram. Þetta er lítill ,,jepplingur“ og þó ekki, því ekkert er fjórhjóladrifið. Þessi nýi bíll heitir Crossland X, ekki ósvipaður jepplingnum Mokka, en minni. Að stærð er Crossland X áþekkur Mazda CX-3.

Norðmenn eru byrjaðir að slökkva endanlega á FM og AM (miðbylgju) útvarpssendum í landinu. Í stað FM útvarpsins kemur stafrænt útvarp (DAB). Net DAB-senda er þegar tilbúið að mestu til að leysa FM- útvarpið af hólmi