Fréttir

Vetrarafbílarannsókn Félags norskra bifreiðaeigenda, NAF, Motor félagstímarit þess, og FÍB hófst í Osló í dag og mun standa yfir næstu daga. Fyrrgreindir aðilar koma að þessari vetrarprófun á rafbílum – þeirri viðamestu sem gerð eru í heimunum ár hvert.

Hyundai Motor seldi nærri 519 þúsund bifreiðar (518.566) á síðasta ári í Evrópu, 0,5% fleiri en 2021. Hlutdeild fyrirtækisins á markaðnum nam 4,6 prósentum og hefur aldrei verið meiri en nú, sér í lagi á Spáni, Ítalíu, Frakklandi og Bretlandi. Árangurinn má ekki síst rekja til mikillar sölu á losunarlausum bílum Hyundai sem jókst um 19% á Evrópumarkaði.

Vakin er athygli á gulum- og appelsínugulum viðvörunum Veðurstofu Íslands fyrir mánudag og þriðjudag, 30. og 31. janúar. Gera má ráð fyrir að til lokana geti komið og eru vegfarendur beðnir að kynna sér veðurspár áður en lagt er af stað.

Guð­laugur Þór Þórðar­son, um­hverfis-, orku- og lofts­lags­ráð­herra, hefur kynnt í sam­ráðs­gátt á­form um frum­varp til laga um neyðar­birgðir elds­neytis. Sam­kvæmt frum­varpinu er á­formað að leggja skyldu á sölu­aðila elds­neytis að þeir við­haldi jarð­efna­elds­neytis­birgðum sem jafn­gildi notkun til 90 daga. Á­form um laga­setninguna eru opin til sam­ráðs til 9. febrúar næst­komandi.

Bílaframleiðsla á Bretlandseyjum heldur áfram að dragast saman. Á síðasta ári voru framleiddir um 775 þúsund bílar sem er um 10% samdráttur frá árinu 2021. Alls voru framleiddir um 860 þúsundir bílar í Bretlandi 2021. Framleiðsla á bílum þar í landi hefur ekki verið minni síðan 1956.

Veðrið sem gekk yfir suðvesturhorn landsins dagana 19. og 20. desember hafði mikil áhrif á samgöngur, bæði alþjóðaflug og umferð til og frá flugvellinum. Starfshópur leggur til aðgerðir í sex liðum til að koma í veg fyrir að þetta gerist aftur.

Bílaframleiðandinn Ford ætlar að fækka á fjórða þúsundum störfum í Evrópu á næstunni. Talið er að þessi niðurskurður komi harðast niður á störf í Þýskalandi og hafa þýsk stéttarfélög mótmælt þessum áformum harðlega. Ljóst er samt að einhver þróunarvinna muni flytjast frá Evrópu yfir til Bandaríkjanna.

Næstu skref undirbúnings Sundabrautar eru vinna við mat á umhverfisáhrifum, frekari útfærsla valkosta, samráð við hagsmunaaðila og undirbúningur nauðsynlegra breytinga á skipulagsáætlunum með það að markmiði að hægt sé að hefja framkvæmdir við Sundabraut eigi síðar en árið 2026 og að þeim verði lokið árið 2031.

Dómur hefur fallið í Danmörku í máli Íslendings sem ákærður var fyr­ir óðs manns akst­ur eða van­vidskør­sel eins og það heit­ir í nýj­um um­deild­um dönsk­um lög­um. Í héraðsdómi féllst að dóm­ari á all­ar kröf­ur ákæru­valds­ins, eigna­upp­töku bíla­leigu­bif­reiðar til rík­is­sjóðs, eins mánaðar óskil­orðsbundið fang­elsi, fjög­urra ára öku­leyf­is­svipt­ingu í Dan­mörku og sex ára end­ur­komu­bann til lands­ins.

Kia jók markaðshlutdeild sína í Evrópu um 5% milli ára og er í dag með 4,8% hlutdeild seldra bíla á Evrópumarkaði. Bílaframleiðandinn hefur aldrei verið með hærri markaðshlutdeild í sögu fyrirtækisins og seldi alls 542.423 nýja fólksbíla á síðasta ári og sló eigið sölumet um 7,9%. Kia Ceed var söluhæsti bíll framleiðandans í Evrópu á síðasta ári en Sportage og Niro komu í öðru og þriðja sæti.