Fréttir

27,5 milljarðar hafa verið veittir í skattaívilnanir vegna vistvænna bíla á árunum 2012-2022. Fyrir vikið hefur mikill árangur náðst í orkuskiptum fólksbílaflotans og er Ísland komið meðal fremstu þjóða á heimsvísu í rafbílavæðingu.

Vitundarátakið; Aktu varlega! – mamma og pabbi vinna hér, mun standa yfir í sumar. Af því tilefni var ritað undir viljayfirlýsingu þess efnis og kynnt til leiks eftirtektarverð skilti á morgunverðarfundi um öryggi starfsfólks við vegavinnu sem Vegagerðin stóð fyrir þriðjudaginn 7. júní 2022.

Brimborg stækkar þjónustunetið og eykur þjónustu við bíleigendur þeirra merkja sem Brimborg er umboðsaðili fyrir með því að bæta við tveimur verkstæðum á höfuðborgarsvæðinu í samvinnu við Vélaland bílaverkstæði.

Kostnaðarverð bensínlítra á heimsmarkaði fór í dag yfir 150 íslenskar krónur. Við upphaf innrásar Rússa í Úkraínu 24. febrúar sl. var verð á lítra af bensíni á heimsmarkaði undir 100 krónum. Dísillítri kostaði þá ríflega 101 krónu en er um þessar mundir í ríflega 144 krónum. Ef farið er ár aftur í tímann og verðin könnuð 1. júní 2021 þá var bensínlítrinn í tæplega 70 krónum og dísillítrinn í 69 krónum.

Samgöngustofa auglýsir laus til umsókna 100 leyfi til leiguaksturs fólksbifreiða á takmörkunarsvæði I á höfuðborgarsvæðinu og Suðurnesjum.

Nýjar og skýrar reglur hafa verið settar um sjálfstætt eftirlit með öryggi vegamannvirkja. Þær tóku gildi í lok maí með breytingu á reglugerð nr. 866/2011 um öryggisstjórnun vegamannvirkja.

Nýskráningar fólksbifreiða fyrstu fimm mánuði ársins voru 6.833 en yfir sama tímbil á síðasta ári voru þær 4.208. Aukningin á milli ára er því um 62,8%. Þetta er að finna í tölum frá Bílagreinasambandinu.

Fé­lag ís­lenskra bif­reiðaeig­enda, FÍB, skoraði á stjórn­völd fyirir nokkrum vikum síðan að lækka gjöld á eldsneyti. Runólfur Ólafsson, framkvæmdstjóri FÍB, segir í samtali við mbl.is í dag að félagið hafi sent erindi á stjórn­völd og óskað eft­ir tíma­bund­inni skatta­lækk­un til að mæta þessum hækkunum og það höf­um við gert áður.

Stilling, varahlutir, stóð fyrir ráðstefnu í Hörpu um síðustu helgi sem bar nafnið Bílamessa. Lykilfyrirtæki í þróun og framleiðslu bílahluta tóku þátt í ráðstefnunni og ræddu framtíð greinarinnar með tilliti til framtíðar orkugjafa sem var sérstaklega ætluð fagaðilum innan bíliðnarinnar. 20 erlend fyrirtæki komu að ráðstefnunni og gafst þátttakendum kost á að fræðast um vandamál sem þeir lenda í daglega ásamt hvaða lausnir þeir nota.

Sigurður Ingi Jóhannsson, innviðaráðherra, hefur ákveðið að fjölga atvinnuleyfum fyrir leigubifreiðaakstur um 100 á höfuðborgarsvæðinu og Suðurnesjum (takmörkunarsvæði I). Breytingarnar eru gerðar til að koma til móts við óskir í samfélaginu um meiri þjónustu á leigubifreiðamarkaði. Ráðherra hefur staðfest breytingu á reglugerð um leigubifreiðar (nr. 397/2003), sem tekur gildi á næstu dögum.