Fréttir

Gríðalega mikil aukning varð í umferðinni í september miðað við árið áður, en umferðin á Hringvegi jókst um tæp 18 prósent að því fram kemur í tölum frá Vegagerðinni. Mest jókst hún á Austurlandi, eða um 256 prósent í Hvalsnesi í Lóni og um 212 prósent á Mýrdalssandi. Umferðin náði eigi að síður ekki því sem hún var í september 2019.

Í undirbúningi er þróunarverkefni sem snýr að stýringu á tilteknum umferðarljósum á höfuðborgarsvæðinu til að greiða fyrir umferð á álagstíma. Fyrr á þessu ári var gerð úttekt á öllum umferðarljósum höfuðborgarsvæðisins með tilliti til ástands og aldurs.

Þegar bílasalan er tekin saman fyrstu níu mánuði ársins eru nýskráningar orðnar 9.817. Á sama tímabili á síðasta ári voru þær 7.161 og nemur aukningin 37.1%. Langflestar nýskráningar eru í Toyota og Hyundai.

FÍB gerir eftirfarandi athugasemdir við fullyrðingar Sjóvár 29. september 2021 Sú fullyrðing Sjóvár að félagið tapi stöðugt á bílatryggingum er vægast sagt villandi. Eins og FÍB hefur margsinnis bent á, þá felst hið meinta „tap“ í því að tryggingafélagið ofmetur tjón vegna umferðarslysa. Endanlegar tjónabætur eru lægri og mismuninn setur félagið í bótasjóð (tjónaskuld). Árið 2020 bætti Sjóvá 900 milljónum króna í bótasjóðinn og árið 2019 fór 1,2 milljarður króna í hann. Heildar bótasjóður Sjóvá nam 21 milljörðum króna í lok 2020.

Sjóvá hefur kynnt áform um að greiða hluthöfum 2,5 milljarða króna í tengslum við hlutafjárlækkun félagsins. Þessi fjárhæð kemur til viðbótar við 2,65 milljarða króna arðgreiðslu ársins. Samtals ætlar Sjóvá því að greiða hluthöfum rúmlega 5 milljarða króna.

Þrjú ár eru nú liðin síðan Carlos Ghosn, þáverandi forstjóri Renault-Nissan-Mitsubishi bílasamsteypunnar var handtekinn í Japan, sakaður um að hafa dregið sér risafjárhæðir. En rétt áður en réttarhöld yfir honum áttu að hefjast og Ghosn gekk laus gegn tryggingu, tókst honum að flýja og komast undan réttarhöldunum.

Alþjóðlegt ráðgjafafyrirtæki sem heitir Alixpartners telur í uppfærðri spá sinni að á þessu ári verði framleiddir bílar í heiminum 7,7 milljónur færri en þeir voru á sl. ári. Það þýði að heildartap bílaiðnaðarins verði þegar árið verður liðið, 210 milljarðar dollara. Í fyrri spá fyrirtækisins sem birtist í lok maí var spáð 100 milljarða dollara tekjusamdrætti.

Það er markmið Mercedes-Benz að framleiða eingöngu rafknúna bíla þegar næsti áratugur aldarinnar rennur upp. Það þýðir að allir þeir MB-bílar sem þá verða framleiddir árlega þurfa að hafa samanlagt orkurými á geymasamstæðunum sem nemur um 200 gígaWattstundum. Til að mæta því er ætlunin að reisa átta rafgeymaverksmiðjur víðsvegar um veröldina, þar af verða fjórar í Evrópu.

Mikil arðsemi er af lagningu Sundabrautar samkvæmt drögum að niðurstöðu óháðrar félagshagfræðilegrar greiningar. Mestur ábati felst hvort tveggja í minni akstri, útblæstri og mengun og styttri ferðatíma vegfarenda vegna styttingu leiða til og frá höfuðborgarsvæðinu. Áður hafði komið fram að kostnaður vegna þverunar Kleppsvíkur er metinn talsvert lægri með byggingu Sundabrúar en með jarðgöngum.

Alþingiskosningar verða haldnar 25. september og munu samgöngumál vafalaust verða í brennidepli sem endranær. Félag íslenskra bifreiðaeigenda óskaði eftir svörum við eftirfarandi spurningum frá þeim framboðum sem bjóða fram í öllum kjördæmum. Flokkarnir brugðust misvel við óskum FÍB og svöruðu fimm flokkar af þeim tíu sem bjóða fram í öllum kjördæmum. FÍB kann flokkunum bestu þakkir fyrir svörin.