Fréttir

Eldsneytisverð hefur ekki verið eins hátt hér á landi síðan 2012. Heimsmarkaðsverð hefur hækkað hratt síðustu misseri og hafa íslenskir neytendur ekki farið varhluta að því. Um þessar mundir kostar bensínlítrinn á flestum bensínstöðvum rúmar 270 krónur. Á bensínstöðvum í nálægð við Costco í Garðabæ er verðið aftur á móti í kringum 230 krónur. Þess má geta að í maí í fyrra kostaði bensínlítrinn 194 krónur.

Dregið hefur úr nýskráningum fólksbifreiða en það sem af er októbermánuði eru þær 568 þegar ein vika er eftir af mánuðinum. Í september voru þær alls 1168. Vera kann að skortur á íhlutum til bílaframleiðslu sé eins af ástæðunum en það sem af er á árinu eru nýskráningar 10.348 en á sama tíma í fyrra voru þær 7.845. Aukningin nemur tæpum 32%. Þetta kemur fram í tölum frá Bílgreinasambandinu.

Bílaframleiðandinn Tesla heldur áfram að fjölgja hleðslustöðvum sínum í Evrópu. Í vikunni sagði talsmaður fyrirtækisins að búið væri að koma yfir 700 hleðslustöðvum. Hver stöð hefur að meðaltali meira en tíu hleðslustaði. Þess má geta að í Svíþjóð eru nú 51 stöð með samtals 590 hleðslutæki.

Það hefur ekki farið framhjá bíleigendum að verð á eldsneyti hefur hækkað mikið á síðustu vikum á heimsmarkaði. Það er mat Runólfs Ólafssonar, framkvæmdastjóra Félags íslenskra bifreiðaeigenda, FÍB, og Drífu Snædal, forseta ASÍ, að stjórnvöld ættu að grípa í taumana vegna hækkandi eldsneytisverðs.

Tvær hraða- og rauðljósamyndavélar hafa verið teknar í notkun við Hörgárbraut á Akureyri. Myndavélarnar eru staðsettar við ljósastýrða gönguþverun við Stórholt. Uppsetning og rekstur myndavélanna er samstarfsverkefni Lögreglunnar á Norðurlandi eystra, Akureyrarbæjar og Vegagerðarinnar. Markmiðið er að draga úr ökuhraða og fækka brotum vegna aksturs gegn rauðu ljósi á þjóðveginum.

Bílaframleiðendur víða um heim glíma við mikinn skort á flögum og öðrum íhlutum til framleiðslunnar. Þetta ástand hefur leitt til þess að framleiðendur hafa þurft að takamarka framleiðsluna og fyrir vikið verður seinkun á afhendingu á bílum til nýrra kaupenda. Dæmi eru um nokkurra mánaða seinkun og er áhrifa farin að gæta meðal annars hér á landi.

,,Verlagning á bensíni stefnir í methæðir en aðrar eins upphæðir hafa ekki sést á landinu í áratug. Við erum að skríða inn í tímabil sem er að nálgast þessi metár 2011 og 2012. Þetta eru miklar hækkanir sem að koma illa við neytendur. Því miður höfum við sem eyja út í Norður-Atlantshafi kannski lítil áhrif því hérna erum við að sjá sömu þróun og um alla veröld,“ sagði Runólfur Ólafsson, framkvæmdastjóri Félags íslenskra bifreiðaeigenda meðal annars í samtali við mbl.is.

Nýskráningar nýrra fólksbifreiða eru komnar yfir tíu þúsund það sem af er þessu ári. Þær eru alls orðnar 10.004 en voru á sama tímabili í fyrra 7.325 þannig að aukningin nemur um 36,6%. Að því fram kemur í tölum frá Bílgreinasambandinu.

Umferðin í september á höfuðborgarsvæðinu reyndist sex prósentum meiri en í fyrra. Aldrei áður hefur jafnmikil umferð mælst í september og er þetta mesta umferð í einum mánuði fyrir utan að örlítið meiri umferð mældist í maí árið 2019. Útlit er fyrir að umferðin í ár á svæðinu aukist um níu próestn sem er verulega mikið en dugri þó ekki til að umferðin verði meiri en hún var árið 2019 að því fram kemur í tölum frá Vegagerðinni.

Nú geta stórnotendur (t.d. bílasölur, fjármögnunarfyrirtæki og bílaleigur) beintengst Samgöngustofu í gegnum vefþjónustu og skráð eigendaskiptin með auðveldum hætti og kaupendur og seljendur samþykkja svo söluna einnig með rafrænum hætti.