Fréttir

Sama þróun í nýskráningum fólksbíla er að eiga sér stað í Noregi og á Íslandi þegar tölur fyrstu fimm mánuði ársins eru skoðaðar. Í Noregi voru 82% allra nýrra bíla í maí endurhlaðanlegir. Aukningin í nýskráningum miðað við sömu mánuði í fyrra nemur um 33%.

Neytendastofu hefur borist tilkynning frá Bílaumboðinu Öskju ehf um að innkalla þurfi 122 Mercedes-Benz Sprinter bifreiðar. Ástæða innköllunarinnar er að möguleiki er á að skinna losni sem tengist bremsupedala. Komið það fyrir munu bremsuljósin loga stöðugt.

Nýskráningar fólksbifreiða fyrstu fimm mánuði ársins eru orðnar alls 4.208. Yfir sama tímabil í fyrra voru þær 3.369 þannig að aukningin er um 24,9%. Mikill samdráttur var í bílasölu í fyrra og átti heimsfaraldurinn þar stærstan þátt. Nú virðist bílasala vera að mjakast hægt og bítandi upp á við að því fram kemur í tölum frá Bílgreinasambandinu.

Sett hefur verið á laggirnar nefnd sem sænska orkustofnunin stýrir til vinna að lausnum sem hefur það að markmiði að bæta aðgengi fyrir rafbílaeigendur þar í landi. Ljóst er að aðgengi til hleðslu í fjölbýlishúsum er skammt á veg komið. Fyrir þá sem eiga þess ekki kost að hlaða bílinn heima eða í vinnunni draga kannski á langinn að ráðast í kaup á rafbíl.

Þær framkvæmdir sem Vegagerðin boðar á árinu 2021 munu kosta ríflega 35 milljarða króna, þar af eru 23,4 milljarðar ætlaðir til nýframkvæmda og um 12 milljarðar til viðhalds. Þetta var tilkynnt á útboðsþingi sem haldið var á dögunum. Þar kynntu ellefu fulltrúar opinberra aðila fyrirhugaðar verklegar framkvæmdir á árinu fyrir um 139 milljarða króna.

Þann 11. maí s.l. tóku gildi lög um breytingu á umferðarlögum. Með breytingunni eru 15 greinar laganna lagfærðar ef svo má segja. Ein af þessum lagfæringum snýr að vistgötum. Í tíð eldri umferðarlaga var ákveðið að hámarkshraði í vistgötu skyldi vera 15 km/klst. Það þótti gefast ágætlega og olli ekki teljandi vandræðum.

Neytendastofu hefur borist tilkynning frá Brimborg ehf um að innkalla þurfi Ford Galaxy / X-Max bifreiðar af árgerð 2015-2020. Ástæða innköllunarinnar er að nauðsynlegt er á að skipta um bolta í hjólaspyrnu að aftan.

Skýrslan „Rafskútur og umferðaröryggi“  var gefin út á dögunum en um er að ræða afrakstur rannsóknar VSÓ Ráðgjafar sem var styrkt af Rannsóknasjóði Vegagerðarinnar og Reykjavíkurborg. Tilgangur rannsóknarinnar var að athuga hvaða áhrif rafskútur hafi á umferðaröryggi og hvaða þættir það eru sem helst ógna öryggi rafskútunotenda sem og annara vegfarenda í umferðinni.

Tvenns konar fyrirkomulag er að mestu viðhaft hér á landi þegar þriðji aðili, bílasali eða þjónustusali, býður bíla til kaups erlendis frá.

Max Mosley, fyrrverandi forseti Alþjóða akst­ursíþrótta­sam­bands­ins,FiA, er látinn 81 árs að aldri. Hans er minnst fyrir mikið og óeigingjart starf innan hreyfingarinnar í mörgum mikilvægum málum.