Fréttir

Settar hafa verið upp ON hleðslur fyrir rafbíla á tveimur starfsstöðvum Landspítala; á Landakoti og Kleppi. Um er að ræða tilraunaverkefni með Landspítala og er það hluti af umhverfisstefnu og loftslagsmarkmiðum hans.

Verði nýtt umferðarlagafrumvarp sem nú liggur fyrir Alþingi samþykkt verður forgangur þeirra sem aka á innri hring hringtorga lögfestur. Runólfur Ólafsson, framkvæmdastjóri FÍB var inntur eftir skoðun félagins á málinu og sagði Runólfur að hann teldi eðlilegt að ökumenn á ytri hring hringtorga fái forgang fram yfir þá sem aka á innri hring. Það yrði í samræmi við það sem tíðkast í mörgum Evrópulöndum.

Á íbúafundi sem íbúasamtökin Víghóll í Mosfellsdal stóð fyrir í gærkvöldi kemur fram í ályktun fundarins að íbúar séu tilbúnir með málningarrúlluna og munu ganga í verkið sjálfir ef áætlun Vegagerðarinnar um að banna framúrakstur á Þingvallavegi gengur ekki eftir. Til fundarins var efnt til að ræða umferðaröryggismál í Mosfellsdal en um helgina varð banaslys á Þingvallavegi þegar tveir bílar rákust saman við framúrakstur.

Þegar sölutölur fyrstu sex mánuði ársins liggja fyrir er Nissan Leaf mesti seldi rafbíllinn í Evrópu. Á tímabilinu voru átján þúsund bílar nýskráðir í álfunni, en alls hafa 37 þúsund bílar verið keyptir frá því að nýi bíllinn fór í sölu í október. Leaf er mest seldi rafbíll heims en alls hafa liðlega 340 þúsund slíkir verið nýskráðir frá því að hann kom á götuna árið 2010, þar af rúmlega 100 þúsund á Evrópumarkaði.

Kia er í efsta sætinu í árlegri áreiðanleikakönnun bandaríska greiningarfyrirtækisins J.D. Power yfir bílamerki sem ekki teljast til lúxusmerkja. Þetta er fjórða árið í röð sem Kia er í efsta sætinu í könnun J.D. Power. Í þessari könnun J.D. Power eru bíleigendur nýlegra bíla spurðir um áreiðanleika þeirra og bilanir á fyrstu 3 mánuðum.

Framkvæmdastjórn Evrópusambandsins sendi frá sér fréttatilkynningu í þessari viku. Í tilkynningunni er Volkswagen samsteypan gagnrýnd fyrir það að hafa ekki komið nægilega til móts við bíleigendur sem urðu fyrir barðinu á stóra útblásturs hneykslinu. Það er mat framkvæmdastjórnar ESB að Volkswagen hafi átt að gera betur.

Sumarið 2017 voru fyrstu Volvo V90 Cross Country lögreglubílarnir teknir í notkun. Þessi útgáfa af bílnum er þróuð af Volvo Special Vehicles and Accessories, SV&A (sérstök ökutæki og fylgihlutir). Sænska lögreglan er stór viðskiptavinur en einnig lögreglulið víða í heiminum.

Umhverfis- og auðlindaráðuneytið hefur gefið út reglugerð nr. 669/2018 um breytingu á byggingareglugerð, nr. 112/2012. Reglugerðin varðar breytingar sem tengjast orkuskiptum í samgöngum. Nú er lögð sú skylda á hönnuði íbúðarhúsnæðis að gera ráð fyrir tengibúnaði vegna hleðslu rafbíla við hvert bílastæði.

Samgöngustofa sendi frá sér fréttatilkynningu í morgun varðandi aukningu á framanákeyrslum á vegum landsins. Með tilkynningunni fylgir samanburður á fjölda framanákeyrslna fyrstu fjóra mánuði ársins yfir 10 ára tímabil.

Ökutækjum á Íslandi heldur áfram að fjölga. Í árslok 2017 voru skráð ökutæki í landinu 366.888 en á þeim tíma voru 294.482 ökutæki í umferð. Af þessu má sjá voru að meðaltali því fleiri en eitt ökutæki skráð á hvern Íslending 2017.