Fréttir

Bílasala í Kína drógst saman um 18,7% í janúar ef bornar eru saman tölur við sama mánuð á síðasta ári. Þetta er 19. mánuðurinn í röð sem samdráttur er í bílasölu í Kína. Ástæður fyrir þessu eru eflaust margar en sérfræðingar benda þá einna helst á Covid19 veiruna og eins fór að hægjast á öllum hagvexti í landinu á síðasta ári.

Neytendastofu hefur borist tilkynning frá Bílaumboðinu Öskju ehf um að innkalla þurfi 26 Mercedes-Benz bifreiðar af gerðunum C-Class, E-Class, GLC, CLS, AMG GT og G-Class.

Þann 1. mars næstkomandi verða tvær hraðamyndavélar á Hringvegi við bæinn Tún í Flóa austan Selfoss teknar í notkun.

Lögreglan á Norðurlandi eystra minnir ökumenn á að hreinsa snjó vel af öllum rúðum bifreiða sinna áður en ekið er af stað.

Sigurður Ingi Jóhannsson, samgönguráðherra, segir að Ísland sé sannanlega ofarlega á heimsvísu í umferðaröryggi. Umferðaröryggi er mikilvægasta verkefni okkar í samgöngum og við þurfum samstillt átak hér á landi til að tileinka okkur hugarfar um núllsýn í umferðaröryggi og útrýma banaslysum og alvarlegum slysum alfarið.

Á heimsþinginu um umferðaröryggi, sem lauk í Stokkhólmi í gær, var lögð á það gífurleg áhersla að bæta umferðaröryggi og alla innviði þeirra um heim allan á næstu árum. Ljóst er að mun meira fjármagni verður veitt í þá þætti sem snúa almennt að umferðaröryggi en áður hefur verið gert.

Ný umferðarljós á gatnamótum Bústaðavegar og Efstaleiti voru gangsett í dag, fimmtudaginn 20. febrúar.

Sigurður Ingi Jóhannsson, samgöngu- og sveitarstjórnarráðherra, ávarpaði síðdegis í gær ráðstefnu YOURS, samtaka ungmenna sem berjast fyrir umferðaröryggi, sem haldin er í Stokkhólmi. Ráðherra tók einnig þátt í vinnustofu þar sem ungmenni og fólk í áhrifastöðum ræddu um leiðir til að efla umferðaröryggi. Vinnustofan sem Sigurður Ingi tók þátt er undanfari og hluti 3. heimsþings um umferðaröryggi sem haldið er í Stokkhólmi næstu daga.

Sænsk stjórnvöld voru í gær sæmd hinum eftirsóttu alþjóðlegu iRAP nýsköpunarverðlaunum. Alþjóðlegu vegaöryggissamtökin iRAP eru móðursamtök EuroRAP sem hefur allt frá árinu 2005 tekið út öryggi íslenskra vega.

Eng­in áform eru af hálfu Vega­gerðar­inn­ar um að leggja til hækk­un há­marks­hraða um­fram 90 km/​klst. næstu árin, en Andrés Ingi Jónsson, þingmaður, spurði Sigurð Inga Jóhannsson, samgönguráðherra, á Alþingi hvar það hefði komið til álita að hækka hraðann. Í nýj­um um­ferðarlög­um seg­ir að heim­ilt sé að hækka hraðann um­fram 90 km/​klst. með upp­setn­ingu skilta.