Fréttir

Veður­stofan hefur nú varað við slæmu veðri um allt land á morgun en appel­sínu­gul við­vörun hefur verið gefin út fyrir þriðju­dag og mið­viku­dag. Vega­gerðin hefur að auki til­kynnt víð­tækar lokanir um land allt næstu daga en búast má við að veðrið verði sem verst annað kvöld. Ekki úti­lokað að gefin verði út rauð veður­við­vörun

Samgöngu- og sveitarstjórnarráðherra, lagði fram í vikunni á Alþingi tillögu til þingsályktunar um samgönguáætlun fyrir tímabilið 2020-2034. Um er að ræða uppfærða og endurskoðaða samgönguáætlun til fimmtán ára á grunni þeirrar sem samþykkt var á Alþingi síðasta vetur. Einnig lagði ráðherra fram tillögu til þingsályktunar um samgönguáætlun (aðgerðaáætlun) fyrir tímabilið 2020-2024.

Sala á rafbílum gengur hvergi betur en í Noregi og slagar fjöldi þeirra nú hátt í 200 þúsund talsins. Fyrsti Nissan Leaf kom á götuna í Noregi 2011 og hefur síðan notið mikilla vinsælda. Ekkert lát er á sölu rafbíla í Noregi og bendir margt til þess að salan slái öll met á næsta ári. Biðlistar eru eftir rafbílum og eru dæmi um að kaupendur þurfi að bíla í nokkra mánuði eftir nýjum bíl.

Í dag birti Euro NCAP niðurstöður öryggisprófa samtakanna á 12 nýjum bílum. Euro NCAP eru samtök bifreiðaeigendafélaganna í Evrópu og áreksturs prófar nýja bíla og metur öryggi þeirra á hlutlægan hátt.

Neytendastofu hefur borist tilkynning frá Bílaumboðinu Öskju ehf. um að innkalla þurfi 25 Merzedes Benz Sprinter bifreiðar af ótilgreindum árgerðum. Ástæða innköllunarinnar er að möguleiki er á að boltar sem halda húddlæsingu séu ekki nægilega vel hertir. Viðgerð felst í yfirferð á herslu.

Meirihluti Akureyringa sem tóku afstöðu í nýrri könnun um bifreiðakaup stefnir á að kaupa bíl sem er að hluta eða öllu leyti drifinn áfram af vistvænum orkugjöfum. Rafbílar koma þar helst til greina, en þónokkur fjöldi fólks íhugar að kaupa tengi-tvinnbíl eða metanbíl.

Sam­göngu- og sveit­ar­stjórn­ar­ráðherra hef­ur lagt fram frum­varp til laga um leigu­bif­reiðaakst­ur sem hef­ur það að mark­miði að „tryggja gott aðgengi að hag­kvæmri, skil­virkri og ör­uggri leigu­bif­reiðaþjón­ustu fyr­ir neyt­end­ur á Íslandi,“ eins og seg­ir í frum­varp­inu. Frum­varpið er ekki síst til­komið vegna þess að litið er svo á að nú­gild­andi regl­ur séu ekki í fullu sam­ræmi við EES-samn­ing­inn. Með frum­varp­inu er meðal ann­ars opnað á starf­semi fyr­ir­tækja á borð við Uber og Lyft. Þetta kemur fram í umfjöllun á mbl.is um málið.

Það er stundum í nógu að snúast hjá FÍB-Aðstoðinni í Borgarnesi. Þar um slóðir fer í gegn mikil umferð allan ársins hring, þá alveg sérstaklega yfir sumarmánuðina. Stór sumarbústaðalönd eru þar í nágrenni og því gott að vita af aðstoðinni í Borgarnesi ef eitthvað kemur upp á.

Nú liggja fyrir niðurstöður könnunar sem Slysavarnafélagið Landsbjörg og Samgöngustofa gerðu fyrr á árinu um öryggi barna í bílum. Í könnuninni er gerð athugun á því hvort notaður sé öryggisbúnaður fyrir barnið eða ekki og hvernig búnað er notast við. Einnig er skráð hvort að ökumaður noti bílbelti eða ekki.

Val á bíl ársins 2020 verður kunngert á bílasýningunni í svissnesku borginni Genf í mars nk. Það er 60 manna nefnd bílablaðamanna frá 23 löndum í Evrópu sem völdu í fyrstu 30 bíla og að lokum komust sjö bílar í úrslit.