Fréttir

Það er stundum í nógu að snúast hjá FÍB-Aðstoðinni í Borgarnesi. Þar um slóðir fer í gegn mikil umferð allan ársins hring, þá alveg sérstaklega yfir sumarmánuðina. Stór sumarbústaðalönd eru þar í nágrenni og því gott að vita af aðstoðinni í Borgarnesi ef eitthvað kemur upp á.

Nú liggja fyrir niðurstöður könnunar sem Slysavarnafélagið Landsbjörg og Samgöngustofa gerðu fyrr á árinu um öryggi barna í bílum. Í könnuninni er gerð athugun á því hvort notaður sé öryggisbúnaður fyrir barnið eða ekki og hvernig búnað er notast við. Einnig er skráð hvort að ökumaður noti bílbelti eða ekki.

Val á bíl ársins 2020 verður kunngert á bílasýningunni í svissnesku borginni Genf í mars nk. Það er 60 manna nefnd bílablaðamanna frá 23 löndum í Evrópu sem völdu í fyrstu 30 bíla og að lokum komust sjö bílar í úrslit.

Fyrirtækið, Squad Mobility, hefur þróað á bíl sem gengur fyrir sólarorku. Tveir fyrrum starfsmenn Lightyear koma að hönnun bílsins. Bíllinn verður á mjög viðráðanlegu verði en hann mun sérstaklega henta vel til aksturs inni borgum og á styttri leiðum. Einn stærsti kostur bílsins er að hann mengar ekkert og því eins umhverfisvænn og hægt er.

Rafbílum og rafmagnshjólum gæti fjölgað á götunum því fjármála- og efnahagsráðherra hefur lagt fram frumvrp um ívilnanir vegna vistvænna ökutækja, rafmagnsreiðhjóla og annarra reiðhjóla sem hefur verið samþykkt í ríkisstjórn. Ráðherra stefnir á að leggja frumvarpið fram á Alþingi á næstu dögum og vonast til að það verði afgreitt fyrir áramót.

Hyundai Motorsport landaði fyrsta titlinum á heimsmeistaramóti FIA í ralli (WRC) þegar Hyundai var útnefndur framleiðandi ársins eftir fjóra sigra og þrettán skipti á verðlaunapalli sem skiluðu liðinu 380 stigum þegar yfir lauk. Hafði Hyundai átján stiga forskot á Toyota sem næstur var að stigum.

Björn Leví Gunnarsson, þingamaður Pírata, fékk á dögunum svar frá samgöngu- og sveitarstjórnarráðherra við fyrirspurn sinni um meðal annars meðalkolefnisspor hvers ökutækjaflokks. Spurt var um heildarfjölda ökutækja í hverjum ökutækjaflokki, um áætlaða meðalþyngd ökutækja, svo og um heildarfjölda ekinna kílómetra í hverjum flokki.

Í nýjum umferðarlögum sem taka gildi um næstu áramót hafa sveitarfélög og Vegagerðin heimild til að takmarka eða jafnvel banna tímabundið bílaumferð vegna loftmengunar. Sú heimild fékkst með samþykkt nýrra umferðarlaga á Alþingi í sumar og taka þau gildi í byrjun næsta árs. Í frétt á heimasíðu FÍB um þetta mál kom fram að langflest sveitarfélög hafa lýst yfir að þau hafi ekki áhuga að fara í aðgerðir með þessum hætti. Reykjavíkurborg hefur aftur á móti áhuga að fara í þessa vegferð í samvinnu með öðrum sveitarfélögum á höfuðborgarsvæðinu.

Aukið svifryk hefur mælst á höfuðborgarsvæðinu og á Akureyri síðustu daga. Kalt hefur verið í veðri, hægur vindur, götur þurrar og því má búast við að svifryksmengun fari yfir heilsuverndarmörk næstu daga. Upp úr helginni á að hlýna aftur í veðri með rigningu. Í umræðunni um aukna svifryksmengun hefur verið bent á ýmsa sökudólga sem gætu verið valdar af þessari mengun. Í því sambandi er bent á stóraukna umferð á höfuðborgarsvæðinu og því samfara fari meiri útblástur út í loftið og slit á malbiki eykst.

Drög að frumvarpi til laga um samvinnuverkefni um vegaframkvæmdir (PPP) hafa verið birt í samráðsgátt stjórnvalda til umsagnar. Allir hafa tækifæri til að senda inn umsögn eða ábendingar en frestur til að skila umsögn er til og með 28. nóvember 2019. Frumvarpinu er ætlað að kveða á um heimildir til að stofna til samvinnu opinberra aðila við einkaaðila um tilteknar vegaframkvæmdir og gjaldtöku vegna þeirra.