Fréttir

Umferðin í viku 11 var ríflega tveimur prósentum minni en í sömu viku árið 2019. Sé tekið mið að íbúafjölgun (sem ætti að leiða til aukningar umferðar) þá sýnir samdrátturinn að minna er umleikis í þjóðfélaginu vegna Covid-19 en ella.

Frekari skemmdir urðu á Suðurstrandarvegi í gær nálægt Festarfjalli. Sprungur hafa myndast við axlir og í fyllingu þannig að vegrið hefur ekki allsstaðar fullan stuðning. Svæðið er merkt, akreinar eru þrengdar, þungatakmarkanir hafa verið settar á og hámarkshraði lækkaður. Unnið er að lausnum varðandi lagfæringar á þessum skemmdum.

Ökuvísir er nýr valkostur í ökutækjatryggingum sem VÍS býður upp á þar sem hægt er að fá aðgang að appi sem veitir uppbyggilega endurgjöf um hvað megi gera betur í umferðinni. Að því fram kemur í tilkynningu er markmiðið að með virkri endurgjöf er viðskiptavinum félagsins hjálpað að keyra betur og stuðlað að fækkun umferðarslysa. Því betur og minna sem viðskiptavinir félagsins keyra því minna borga þeir. Þannig stjórna þeir ferðinni að því fram kemur.

Kia sýndi fyrir helgina fyrstu myndirnar af nýjum rafbíl sem ber heitið EV6. Um er að ræða sportlegan jeppling sem er hreinn rafbíll og fyrsti bíllinn af nýrri kynslóð rafbíla Kia. EV6 verður frumsýndur í vor og er mikil eftirvænting eftir komu hans á markað.

Umferðin í nýliðnum febrúar mánuði á Hringveginum dróst sama um 2,3 prósent miðað við sama mánuð fyrir ári. Þá höfðu engar samkomutakmarkanir verið settar á. Þetta er ólíkt því sem gerðist í janúar í ár þegar umferðin jókst, en frá áramótum er umferðin nú sú sama og fyrstu tvo mánuðina í fyrra. Rétt er að hafa í huga að þrátt fyrir þetta er febrúar í ár sá þriðji umferðamesti frá upphafi af því fram kemur í tölum frá Vegagerðinni.

Neytendastofu hefur borist tilkynning frá Bílabúð Benna ehf um að innkalla þurfi 50 Opel Ampera bifreiðar af árgerð 2016-2019. Ástæða innköllunarinnar er að möguleiki er á að rafmótor virkar ekki sem skildi.

Framkvæmdir við breikkun Vesturlandsvegar á Kjalarnesi ganga vel. Breikkunin mun auka umferðaröyggi á þessum vegakafla til muna. Áætlað er að kostnaðurinn við þessa vegaframframkvæmd muni nema um 6,5 milljörðum króna.

Í skýrslu sem Alþjóða akst­ursíþrótta­sam­bands­ins, FIA, lét vinna og gaf út á dögunum í tengslum við óhapp í Formulu 1 undir lok síðasta árs kemur fram að bent er á yfir 20 hluti sem mætti koma lagi á sem lúta að öryggi.

Neytendastofu hefur borist tilkynning frá Brimborg ehf um að innkalla þurfi 24 Mazda MX-30 bifreiðar af árgerð 2020. Ástæða innköllunarinnar er að möguleiki er á að bremsuljós og Motor hill assist kerfið virki ekki sem skildi. Viðgerð felst í hugbúnaðaruppfærslu.

Fyrstu vikuna í mars voru nýskráningar hér á landi 165 en sömu viku fyrir ári síðan voru nýskráningar 272. Það er samdráttur upp á 39,3%. Það sem af er árinu eru nýskráningar 1.298 talsins en yfir yfir sama tímabil í fyrra voru þær 1.675. Það er samdráttur upp á 22,5%.