Fréttir

Olís mun opna fyrstu Glans bílaþvottastöðina við Langatanga í Mosfellsbæ á haustmánuðum. Fleiri stöðvar Glans munu svo líta dagsins ljós í kjölfarið eða á árinu 2025.

Samþykkt var í umhverfis- og skipulagsráði Reykjavíkur í vikunni að hætta tímabundið gjaldtöku fyrir notkun bílastæða við Aragötu, Oddagötu og Sæundargötu. Allar þessar götur eru í grennd við Háskóla Íslands. Hætt verður við gjaldtöku þar til að skólinn mun sjálfur hefja gjaldtöku á bílastæðum sínum.

Fjármála- og efnahagsráðuneytið hefur birt frumvarpsdrög um kílómetragjald á ökutæki í stað vörugjalda á eldsneyti. Miðað er við að lög um gjaldið taki gildi um næstu áramót. Fram kemur í tilkynningu að innleiðing nýs, einfaldara og sanngjarnara kerfis þar sem greitt er almennt kílómetragjald í stað sértækra gjalda á bensín og olíu hófst árið 2023.

Umferðin jókst um 1,7% milli september mánaða árin 2023 og 2024. Mest jókst umferðin í mælisniði á Reykjanesbraut, eða um 2%, en minnst um mælisnið á Vesturlandsvegi eða um 1,4%. Þetta kemur fram í tölum frá Vegagerðinni.

Sænsk stjórnvöld vinna að því að tryggja réttindi bíleigenda og neytenda sem stuðlar að því að bílaiðnaðurinn fylgi þeim lögum og reglum sem samkomulag hefur náðst um. Fyrirbyggjandi starf með ráðgjöf og hagsmunabaráttu neytendum til handa er sérstaklega mikilvægt þegar stórir aðilar kjósa að fylgja ekki reglum og skilmálum.

Brimborg ehf, sem rekur bílaleigu, þarf ekki að greiða Rekstrarfélagi Hafnartorgs stöðugjöld leigutaka sinna í bílastæðahúsinu við Hafnartorg samkvæmt dómi Hæstaréttar. Dómurinn er athyglisverður fyrir margar sakir en nú geta bílaleigur gert leigutökum kleift að komast hjá greiðslu gjalda sem aðrir þurfi að greiða.Þetta er meðal þess sem kemur fram á visir.is og dv.is í umfjöllun um málið.

Lögreglan á Suðurlandi vill taka fram að hún er ekkiI að sekta ökumenn bifreiða, sem eru komnar á nagladekk, þótt slík dekk séu almennt aðeins leyfð frá 1. nóvember til 15. apríl.

Umferðin á Hringvegi jókst um 4,5 prósent í nýliðnum september mánuði miðað við sama mánuð fyrir ári. Slegið var nýtt met i mánuðinum en þessi aukning er nokkuð yfir meðaltalsaukningu síðustu ára. Nú er útlit fyrir að umferðin í ár á Hringveginum aukist um 3,2 prósent að því er fram kemur í tölum frá Vegagerðinni.

Tölur sem þýska tryggingasambandið (GDV) birti sýna að 14.585 ökutæki með altryggingu voru teknir ófrjálsri hendi árið 2023, sem er næstum 20 prósenta aukning frá fyrra ári. Félags þýskra bifreiðaeigenda, ADAC, prófaði um 700 bíla og aðeins undir 10% stóðust próf gegn sviðsettum innbrotum. Félagið mælir með virkjun öryggiskerfa.

Maskína hefur frá ársbyrjun 2018 kannað hug landsmanna til Borgarlínu. Nokkuð hefur dregið úr stuðningi við verkefnið frá upphafi mælinga en samkvæmt nýjustu Maskínukönnun nú í september eru 37% landsmanna hlynnt Borgarlínu og um þriðjungur andvígur.