Fréttir

Karim Habib var ráðinn hönnunarstjóri Kia í Kóreu á liðnu hausti en hann starfaði áður sem hönnunarstjóri BMW í nokkur ár og síðast í sama starfi fyrir Infiniti lúxusbílamerki Nissan í Japan. Karim ræddi nýlega við sænsku útgáfunni af Auto Motor & Sport um þróun nýrra bíla og framtíðina hjá Kia. Hér á eftir fer stutt samantekt á því sem Karim sagði.

Allt virðist stefna í eitt stærsta ferðasumar hér á landi í langan tíma en sala á tjöldum, tjaldvögnum, fellihýsum og hjólhýsum hefur sjaldan verið meiri. En áður en farið er af stað er mikilvægt að kynna sér vel ástand bílsins og ekki síður ástandið á eftirvagninum. Oft á tíðum hafa vagnarnir staðið við misjafnar aðstæður í marga mánuði og síðan skellt aftan í bílinn og haldið af stað. Hér verður stiklað á nokkur mikilvæg atriði sem er gott að hafa í huga áður lagt er af stað.

Bílaframleiðendur eiga við mikinn rekstrarvanda að stríða um þessar mundir sökum kórónaveirufaraldursins. Samdráttur í sölu nýrra bíla er mikill og alveg ljóst að bílaframleiðendur verða í langan tíma að rétta úr kútnum.

Útgáfa stafrænna ökuskírteina verður heimiluð samkvæmt drögum að breytingum á reglugerð um ökuskírteini sem samgöngu- og sveitarstjórnarráðuneytið hefur birt í samráðsgátt stjórnvalda til umsagnar. Allir hafa tækifæri til að senda inn umsögn eða ábendingar en frestur til að skila umsögn er til og með 25. maí nk.

Eftir því sem bílar verða fjölbreytanlegri verður öðruvísi að gefa eða þiggja start en það var áður, sumt má og annað ekki. Bílar eru flóknari og þetta er stundum orðinn frumskógur að eiga við. Fyrirspurnir um þetta og því tengdu berast í æ meira mæli inn á skrifstofu FÍB. Þetta var meðal þess sem kom fram í viðtali við Björn Kristjánsson, tæknimann hjá Félagi íslenskra bifreiðaeigenda, FÍB, í Reykjavík síðdegis á Bylgjunni.

Búið er að heimila það að einstaklingar geti sótt um endurgreiðslu á virðisaukaskatti vegna vinnu við viðgerðir á fólksbifreiðum. Mun þetta eingöngu eiga við um vinnulið reikninga en ekki um varahluti og aðra íhluti sem notaðir eru í viðgerðina.

Umferðin á höfuðborgarsvæðinu í síðustu viku, viku 20, er farin að nálgast mjög þá umferð sem var í sömu viku fyrir ári síðan og virðist því sem rýmkun á samkomubanni vegna Covid-19 leiði hratt til aukningar á umferðinni frá því hún varð minnst.

Lögreglan á höfuðborgarsvæðinu mun um miðja næstu viku eða frá og með 20. maí beita viðurlögum séu ökutæki enn á negldum dekkjum í umferðinni.

Frá og með 1. júní 2020 verður gerð einföldun og lækkun á innheimtu veggjalds fyrir þá sem keyra í gegnum Vaðlaheiðargöng án þess að skrá ökutækin sín af því fram kemur í tilkynningu frá rekstraraðilum ganganna.

Margir bílaframleiðendur hafa nú í vikunni verið að birta afkomutölur og spár fyrir næstu mánuði. Það ætti ekki að koma neinum á óvart að búist er við miklum samdrætti. Hans er orðið þegar vart en ljóst er að það mun taka bílaiðnaðinn almenn nokkurn tíma að rétta úr kútnum.