Fréttir

Neytendastofu hefur borist tilkynning frá Bílaumboðinu Öskju ehf um að innkalla þurfi 115 Mercedes-Benz Sprinter bifreiðar. Ástæða innköllunarinnar er að möguleiki er á að bremsuslöngur að framan komist í snertingu við frambrettin. Komi það fyrir er hætta á því að bremsuslöngurnar rofni og fari að leka.

Bílaframleiðandinn Kia ætlar sér stóra hluti á rafbílamarkaðnum á næstu árum. S-Kóreska fyrirtækið upplýsti framtíðaráform sín á þessum markaði í vikunni og kom ennfremur fram að bílaframleiðandinn ætlar að taka sér leiðandi stöðu á þessum vettvangi.

Bandaríski bílaframleiðandinn Tesla segir í tilkynningu að nú sé hafinn framleiðsla á Long Range Model 3 bílnum í verksmiðju fyrirtækisins í Shanghai í Kína. Viðskiptavinir ættu von á því að fá bílana afhenta eftir nokkra vikur.

Alls verður 650 milljónum króna varið til verkefna Vegagerðarinnar í umferðaröryggisáætlun stjórnvalda í ár. Þar af var 150 milljónum úthlutað í tímabundnu fjárfestingarátaki ríkisins vegna COVID-19. Verkefnin eru fjölmörg og fjölbreytt og miða öll að því að auka öryggi vegfarenda.

Neytendastofu hefur borist tilkynning frá BL ehf um að innkalla þurfi 13 Isuzu D-Max, Crew Cab, 4x2 HR/4x4 model bifreiðar af árgerð 2018 til 2019.

Eins og áður hefur komið fram leggst Félag Íslenskra bifreiðaeigenda, FÍB, alfarið gegn hugmyndum um að fjármagna vegaframkvæmdir með veggjöldum með öllum þeim kostnaði sem því fylgir og vill í því sambandi miklu heldur taka upp kílómetragjald í staðinn. Runólfur Ólafsson, framkvæmdastjóri FÍB, ræddi um þessar fyrirhugaðar hugmyndir í þættinum Samfélagið á Rás 1.

Mikil umræða hefur verið í gangi hér á landi þegar stórfyrirtæki eru að greiða út arð á sama tíma og þau eru að þyggja fjárstuðning til handa starfsmönnum sínum í hlutastarfi vegna efnahagslegra afleiðinga COVID-19 faraldursins.

Bílaframleiðandinn Tesla ætlar að virða að vettugi tilmæli yfirvalda í Kaliforníu um áfrmhaldandi lokanir á iðnaðarframleiðslu í fylkinu með það að markmiði að hefta útbreiðslu kórónaveirufaraldursins. Verksmiðju Tesla var lokað 23. mars en grunur er um að framleiðslan með einhverjum hætti sé nú þegar hafin í trássi við stjórnvöld.

Nýskráningar fólksbifreiða það sem af er ársins eru alls orðnar 3411. Þetta er samdráttur um 33,2% miðað við sama tíma í fyrra. Toyota er söluhæsti bíllinn en hafa alls 474 verð seldir.

Umferðin í síðustu viku, viku 19, á höfuðborgarsvæðinu jókst nokkuð frá fyrri viku þótt hún hafi verið nærri 10 prósentum minni en í sömu viku fyrir ári síðan. Þannig að rýmkun á samkomubanni og aukin umsvif vegna þess hafa leitt til þess að umferðin er aftur farin að aukast. Hvort hún verður aftur jafnmikil og fyrir ári á hinsvegar eftir að koma í ljós af því fram kemur í upplýsingum frá Vegagerðinni.