Fréttir

Þingsályktun um tímabundið fjárfestingarátak var samþykkt á Alþingi um síðustu mánðarmót Heildarfjárheimild til átaksins er alls 17.936 milljónir sem skiptist á nokkra verkefnaflokka. Til samgöngumannvirkja á að verja 6.506 milljónum kr. og af þeim fara 5.660 milljónir króna í verkefni hjá Vegagerðinni.

N1 lækkaði um kl. 10:00 í morgun algengasta lítraverðið á bensíni um 3 krónur eða í 213,90 krónur. N1 lækkaði einnig ódýrasta verðið á stöðinni við Skógarlind í Kópavogi niður í 187 krónur. Dísilolíuverðið lækkaði á sama tíma hjá N1 um tvær krónur á lítra. Algengasta verðið er 212,40 krónur en ódýrast við Skógarlind, 186 krónur á lítra. Það munar því 26.90 krónum á algengasta bensínverðinu og 26,40 krónum á algengasta dísilverðinu hjá N1 og besta verðinu sem félagið býður viðskiptavinum sínum.

Verð á banda­rískri hrá­ol­íu, West Texas In­ter­media­te, sem af­henda á í næsta mánuði lækkaði umtalsvert í gær. Ekki er um að ræða Brent-olíu sem notuð er á evr­ópsk­um mörkuðum. Ástæðuna má rekja til minni notkunar á olíu í flugi almennt og ennfremur í siglingum og í akstri vegna kórónafaraldursins. Verð á tunnunni var komin undir tíu dollara.

Umferðin um þrjú lykilmælisnið Vegagerðarinnar á höfuðborgarsvæðinu í síðustu viku, viku 16, var svipuð og umferðin fyrir tveimur vikum. Lítilsháttar aukning er frá síðustu viku en breytileg tímasetning páska á milli ára gerir samanburð erfiðan. Fróðlegt verður að sjá hvort að umferðin næstu tvær vikur haldi áfram að aukast þótt lítið sé og þá einnig hvað gerist eftir 4. maí. Þetta er þess sem m.a. kemur fram í tölum frá Vegagerðinni.

Hvert sem litið er hefur bílasala í Evrópu dregist gífurlega saman. Bara í mars einum drógst bílasala saman um 85% á Ítalíu og í Frakklandi um 72% og þessi samdráttur er allur rakinn til kórónafaraldursins. Nýskráningar í Frakklandi numu rúmlega 60 þúsund bíla og hafa aðrar eins tölur ekki sést.

Olíuverð heldur áfram að lækka en í morgun fór verð á hráolíu á Asíumarkaði í 14,80 dollara tunnan. Ekki svona lágt verð hefur verið á heimsmarkaði í yfir 20 ár. Brent Noðursjávarolía lækkaði á sama tíma um þrjá dollara tunnan og kostar nú 27 dollara.

Uppsöfnuð viðhaldsþörf vegakerfisins sem tengist skorti á fjárveitingum frá stjórnvöldum er ástæða slæms ástands vega víða um land. Að undanförnu hafa vegir verið að koma mjög illa undan vetri og mikið um holur og hvörf í vegum. Auknar fjárheimildir til uppbyggingar og viðhalds duga ekki til að mæta vanrækslu liðinna ára.

Vinna við hreinsun á götum og stígum er komin á fullan skrið í Reykjavík. Byrjað var nokkru fyrir páska, en veður setti strik í reikninginn því götusópar geta ekki unnið þegar hitastig er við frostmark. Unnið var á skírdag og annan í páskum til að vinna upp daga sem féllu út af því kemur fram í tilkynningu frá Reykjavíkurborg

Þýskir bílaframleiðendur, þar á meðal Volkswagen og Mercedes Benz, munu að hluta til opna verksmiðjur sínar í Þýskalandi í næstu viku. Í byrjun verður aðeins unnið á einni vakt og farið eftir ströngustu fyrirmælum stjórnvalda. Stjórnvöld segir baráttuna við kórónaveiruna halda áfram, ekki megi sofna á verðinum en ákveðið hefði verið að verlanir opni í næstu viku og skólar 4. maí.

Samkvæmt laganabókstaf eru nagladekk eru bönnuð frá og með deginum í dag, 15. apríl, nema aðstæður gefi tilefni til annars.Lögreglan á höfuðborgarsvæðinu sagði í samtali við FÍB í morgun að ökumenn gætu verið rólegir í byrjun og fyrst um sinn yrði engum sektum beitt fyrir nagladekkjanotkun.