Fréttir

Ekkert tjón varð þegar tveggja metra djúp og 1,5 metra breið hola myndaðist við brúna yfir Norðurá í vikunni. Snör viðbrögð vegfarenda, Vegagerðarstarfsmanna og verktaka skiptu þar miklu. Vegfarandi kom að holunni og tilkynnti um hana klukkan 15. Búið var að laga veginn sex tímum síðar.

TopGear, bílaþáttur bresku sjónvarpsstöðvarinnar BBC, veitti á dögunum rafbílnum Hyundai Kona EV viðurkenningu fyrir besta minni fjölskyldubílinn. Í einkunnagjöfinni var stuðst við reynslu þáttastjórnenda TopGear af 1.600 km ferðalagi á bílnum um fjölmörg Evrópulönd.

Samgöngu- og sveitarstjórnarráðherra hefur falið Vegagerðinni að leiða vinnu starfshóps til að endurmeta og skoða tvo fýsilega kosti um legu Sundabrautar og gera tillögu að framtíðarlausn sem fest yrði í skipulagi. Í hópnum munu sitja fulltrúar Reykjavíkurborgar, SSH og Faxaflóahafnar auk Vegagerðarinnar. Starfshópurinn á að skila niðurstöðum sínum fyrir 31. ágúst 2020. Þetta kemur fram í tilkynningu frá ráðuneytinu.

Eftirtektasamur félagsmaður á ferð um Hvalfjörðinn laust eftir miðnætti í fyrrakvöld tók eftir því að birgðarskip var að leggjast að olíubryggjunni í firðinum. Það vakti athygli félagsmannsins að sjá skipið leggjast að á þessum tímum þegar heimsmarkaðsverð á olíumörkuðum er í sögulegu lágmarki. Það vekur óneitanlega athygli að birgðarskip komi inn í Hvalfjörðinn og losi olíu sem almennt eru ekki birgðargeymslur olíufélaganna.

Vinna við tvöföldun Reykjanesbrautar (41) frá Kaldárselsvegi að Krýsuvíkurvegi hefur gengið vel undanfarna tvo mánuði þrátt fyrir COVID-19. Fyrsta malbikun sumarsins hófst 28. apríl.

Kia hefur framlengt ábyrgðartíma allra ökutækja með upphaflegri 7 ára ábyrgð frá Kia sem hefði runnið út milli 1. febrúar til og með 31. maí 2020. Þetta er gert vegna ástands sem skapast hefur vegna COVID 19.

Álagningu vanrækslugjalds 1. apríl og 1. maí vegna skoðunar ökutækja verður frestað til 1. júní vegna COVID-19 faraldursins. Samgöngu- og sveitarstjórnarráðherra hefur staðfest ákvörðunina með reglugerð sem birt verður í Stjórnartíðindum í dag.

Neytendastofu hefur borist tilkynning frá Bílaumboðinu Öskju ehf um að innkalla þurfi 93 Mercedes-Benz A-Class bifreiðar. Ástæða innköllunarinnar er að við ákveðin loftslagsskilyrði gætu loftpúðar frá Takata ekki virkað sem skyldi.

Sáttmáli um gagnkvæman skilning atvinnubílstjóra og hjólreiðafólks í umferðinni kom út í maí 2019. Markmið sáttmálans er að auka gagnkvæman skilning og koma í veg fyrir slys og tryggja öryggi allra vegfarenda.

Umferðin á höfuðborgarsvæðinu var svipuð í nýlíðinni viku (viku 17) og vikunni þar áður (viku 16) en enn gerir mismunandi tímasetning páska samanburð á milli ára erfiðan. Samdrátturinn nemur tæpum 20 prósentum. Þessi vika mun segja betri sögu af samanburðinu við síðasta ár en þær tölur verða birtar eftir viku af því fram kemur í upplýsingum frá Vegagerðinni.