Fréttir

Umferðin á höfuðborgarsvæðinu í nýliðnum aprílmánuði reyndist ríflega tólf prósentum meiri en í sama mánuði fyrir ári síðan. Aldrei hafa fleiri ökutæki farið um mælisnið Vegagerðarinnar í apríl. Nýtt met hefur þannig verið slegið. Umferðin frá áramótum hefur aukist um fimm prósent að því er fram kemur í tölum frá Vegagerðinni.

Um síðustu áramót voru samþykkt lög um kílómetragjald sem kveða á um að af bíl sem knúinn er rafmagni eða vetni verði greitt kílómetragjald að fjárhæð sex krónur fyrir hvern ekinn kílómetra, en kílómetragjald af tengilbifreið verður tvær krónur á kílómetra. Á sama tíma voru felldar úr gildi skattaívilnanir vegna rafbíla. Það sem af er árinu hefur nýskráningum fólksbíla fallið um helming og þá alveg sérstaklega í rafbílum.

Í ársskýrslu slysaskráningar umferðaslysa sem Samgöngustofa gefur út kemur fram að átta létust í umferðarslysum árið 2023. 229 slösuðust í alvarlegum umferðarslysum á síðasta ári en árið 2022 voru þeir 195. Samanlagður fjöldi látinna og alvarlega slasaðra er 237 og hefur aldrei verið meiri á þessari öld að því er fram kemur í skýrslunni. Áætlaður kostnaður við öll um­ferðarslys á síðasta ári er að mati Sam­göngu­stofu 78,3 millj­arðar króna.

Lögreglan á höfuðborgarsvæðinu hvetur þá ökumenn, sem það á við, að skipta út nagladekkjunum.

Umferðin á Hringvegi í nýliðnum apríl jókst um 1,8 prósent sem er heldur minni aukning en mánuðina þar á undan. Eigi að síður hefur aldrei mælst meiri umferð á Hringveginum í aprílmánuði. Frá áramótum hefur umferðin aukist um nærri sjö prósent sem er mikil aukning að því er fram kemur í tölum frá Vegagerðinni.

Runólfur Ólafsson, framkvæmdastjóri Félags íslenskra bifreiðaeigenda, FÍB, segir það hafa aukist undanfarið að tryggingafélög sæki á nýja bílaeigendur vegna skulda fyrri eiganda. Óformlegt samkomulag hafi verið gert árið 2020 en það sé ekki virt lengur. Þetta kom fram í máli Runólfs í samtali við fréttastofu ríkissjónvarpsins.

Sigurður Ingi Jóhannsson, fjármálaráðherra, segir að það sé ofsögum sagt að breytingar á ívilnunum í kaupum á rafbílum um síðustu áramót sé ástæðan fyrir minnkandi nýskráningum fólksbíla það sem af er árinu. Þetta var meðal þess sem fram kom í viðtali við ráðherrann í Reykjavík síðdegis á Bylgjunni.

Í gær sagði fréttastofa RÚV frá því að fólk sem hafði keypti bíl í febrúar hefði verið krafið um greiðslu rúmlega 300 þúsund króna tryggingaskuldar. Fyrri eigandi greiddi ekki tryggingar af bílnum og því átti að ganga á nýju eigendurna sem voru alls grunlausir um skuldina. Fólkið keypti sér Ford Explorer í febrúar og áttu þau ekki von á að fá innheimtubréf nokkrum mánuðum síðar upp á rúmar 300 þúsund krónur.

Cybertruck frá Tesla verður til sýnis á völdum stöðum í Evrópu á næstu vikum, og er hér um að ræða Cyber Odyssey ferðalagið. Á Íslandi verður Cybertruck frumsýndur í Tesla, Vatnagörðum 24 frá 28. júní til 30. júní.Upplýsingar um viðkomustaði Cyber Oddyssey ferðalagsins eru aðgengilegar hér.

Tímamót í orkuskiptum urðu í gær þegar fimm fyrirtæki skrifuðu undir yfirlýsingu um að kaupa stóra vöruflutningabíla sem knúnir verða með vetni. Þeir fyrstu verða afhentir að ári.