Fréttir

Eng­in áform eru af hálfu Vega­gerðar­inn­ar um að leggja til hækk­un há­marks­hraða um­fram 90 km/​klst. næstu árin, en Andrés Ingi Jónsson, þingmaður, spurði Sigurð Inga Jóhannsson, samgönguráðherra, á Alþingi hvar það hefði komið til álita að hækka hraðann. Í nýj­um um­ferðarlög­um seg­ir að heim­ilt sé að hækka hraðann um­fram 90 km/​klst. með upp­setn­ingu skilta.

Forsvarsmenn þýska bílaframleiðandans Volkswagen hafa boðist að greiða þýskum bíleigendum um 830 milljónir evra sem urðu fyrir barðinu á stóra útblásturs hneykslinu. Um það bil 450 þúsund eigendur Volkswagen dísilbíla höfðuð mál á hendur Volkswagen bílasmiðjunum.

Nýr Mercedes-Benz eCitaro strætisvagn sem gengur eingöngu fyrir rafmagni hefur verið hér á landi í prófunum og reynsluakstri. Bíllinn vakti athygli hér á götum en hann var m.a. hjá Strætó, Hópbílum, Kynnisferðum og Isavia til reynslu í rekstri þessara fyrirtækja.

Japnaski bílaframleiðandinn Toyota ætlar af fremsta megni að halda sínu striki hvað framleiðslu fyrirtæksins áhrærir í Kína. Forsvarsmenn fyrirtækisins sögðust um helgina ætla að halda þremur af fjórum bílaverksmiðjum sínum gangandi. Hægst hefur á allri framleiðslu vegna kórónaveirunnar COVID-19 sem og hátíðarhalda vegna kínverka tunglsársins sem lauk um helgina.

Gert er ráð fyrir að árið 2050 nemi plastúrgangur heimsins um tólf milljónum tonna. Jaguar Land Rover hefur nú ákveðið að prófa nýstárlegt endurvinnsluferli í samvinnu við efnavöruframleiðandann BASF og er markmiðið að endurvinna plastúrgang frá breskum heimilum, sem annars væri brennt eða urðað, í hina ýmsu íhluti sem nú eru úr áli, koltrefjum eða stáli í bílaframleiðslu Jaguar Land Rover.

Bílastæðasjóður vill vekja athygli á því að ný umferðarlög tóku gildi um áramótin. Helsta breytingin í nýjum lögum hvað varðar eftirlit stöðuvarða og lögreglu er sú að við ákvæðum sem áður voru sektir við skal nú setja setja stöðubrotsgjald.

Fjármálaeftirlitið hóf í júlí 2019 athugun á því hvernig vátryggingafélög („félögin“ hér eftir) sundurliða kostnað og afslætti vátrygginga við tilboðsgerð til einstaklinga vegna ökutækjatrygginga og eignatrygginga (þ.e. bruna- og innbústrygginga). Niðurstöður lágu fyrir í nóvember 2019 og birt hefur verið á vef Seðlabanka Íslands.

Í dag er ár síðan bílaleigan Procar viðurkenndi að hafa lækkað kílómetrastöðu bíla áður en þeir voru seldir. Það var eftir að Kveikur fjallaði um gögn sem sönnuðu mælasvindlið yfir fimm ára tímabil. Eftir það hafa komið upp níu sambærileg dæmi, ótengd Procar.

Frá og með árinu 2021 tekur í gildi reglugerð í Belgíu er varðar reykingar í bílum. Reglugerðin lítur að því að með öllu verði óheimilt að reykja í bílnum þar sem í eru ófrískar konur og börn undir 18 ára aldri. Svipaðar reglugerðir hafa þegar tekið gildi í nokkrum Evrópulöndum eins og í Frakklandi, Ítalíu og Austurríki.

Umferðin í nýliðnum janúarmánuði dróst saman um 1,6 prósent frá sama mánuði fyrir árið síðan. Þetta er þó mun minni samdráttur en á Hringveginum í janúar. Líklegt er að veður hafi mun minni áhrif á höfuðborgarsvæðinu enda var vegum lokað víða á Hringvegi um skemmri og lengri tíma í mánuðinum.