Fréttir

Í umfjöllun á visir.is kemur fram að bensínverð á Íslandi er það þriðja hæsta á heimsvísu og dísilverð það næsthæsta. Framkvæmdastjóri FÍB, Runólfur Ólafsson, segir fákeppni og skort á aðhaldi stjórnvalda skýra gríðarlega hátt verð.

Samdráttur í nýskráningum fólksbifreiða hér á landi var um tæp 42% á árinu 2024, samanborið við árið 2023. Nýskráningar var alls 11.543 á árinu 2024 en 20.454 árinu á undan að því er fram kemur í tölum frá Samgöngustofu.

Rafbílar njóta aldei sem fyrr meiri vinælda í Noregi. Árið 2024 voru rafbílar með 89% markaðshlutdeild og jókst salan á þeim um 7% á milli ára.

Undirbúningur Sundabrautar er á góðri siglingu hjá Vegagerðinni og Reykjavíkurborg. Umhverfismatsskýrsla og breyting á aðalskipulagi Reykjavíkur verða kynntar með vorinu. Vonir standa til þess að útboðsferli samvinnuverkefnis um Sundabraut geti hafist á árinu 2025 að því er fram kemur á vefsíðu Vegagerðarinnar.

Japönsku bílaframleiðendurnir Honda og Nissan eru í viðræðum um að sameina fyrirtækin fyrir árið 2026. Í tilkynningu segir að um söguleg stefnubreyting fyrir japanska bílaiðnaðinn sé að ræða sem undirstrikar þá ógn sem kínverskir rafbílaframleiðendur eru nú fyrir rótgróna bílaframleiðendur heimsins.

Vega­gerðin hvet­ur öku­menn til að fara ekki af stað í ferðalög á milli lands­hluta fyrr en á milli klukk­an 10 og 12. Spáð er mjög slæmu veðri í dag á land­inu, sér­stak­lega vest­an­lands. Bú­ast má við því að það taki tíma að opna vegi núna í morg­uns­árið, að sögn Vega­gerðar­inn­ar.

Norskur bíleigandi, Christopher Kahrs, tók slaginn gegn Onepark einu öflugasta bílastæðafyrirtæki Noregs og hafði betur. ,,þeir eru að leika vafasama leiki“, sagði Christopher í viðtali við Motor blað NAF systurfélags FÍB í Noregi. Neytendaráð Noregs undirbýr hópmálsókn út af sambærilegum málum.

Viðræður forsvarsmanna þýska bílaframleiðandans Volkswagen við verkalýðsfélög þar í landi ganga hægt og virðast komnar í ákveðinn hnút. Eins og komið hefur fram í fréttum hugðist Volkswagen loka að minnsta kosti þremur verksmiðjum sínum í Þýskalandi.

Samgöngustofa vill vekja athygli á reglum um ljósabúnað, sérstaklega ljósum og gliti á vörubílum. Töluvert hefur verið um fyrirspurnir er varða ljósabúnað þessara bíla, hvort leyfilegt sé að hafa ljósin sem oft sjást á þeim og svo líka kvartað undan ljósmagninu sem stundum er.

Ölvun í umferðinni getur haft alvarlegar afleiðingar. Engu að síður segja 18%, sem svarar til 787.000 Norðmanna, að þeir hafi ekið undir áhrifum einu sinni eða oftar. Þetta kemur fram í könnun sem nýlega var unin í Noregi. Þegar jólaundirbúningurinn stendur sem hæst með jólaboðum þýðir það aukna hættu á að einhver setjist undir stýri undir áhrifum áfengis eða annara efna eins og dæmin hafa sannað.